إنت مزروب/ة وما عندكش وقت باش تشد صف طويل وعريض في الإدارات باش تخلّص فاتورات الضوء والماء؟ ساهل برشا، تنجم تقضي قضياتك وإنت قاعدة/ة في بلاصتك عبر خدمة  FatouraNet والحكاية مضمونة. وهكاكا تربح حاجتين مع بعضهم، أولها وقتك وثاني حاجة تستحفظ على صحتك وتخفف من الإحتكاك بالمجموعات باش ما تمرضش بالكوفيد 19 وتحمي عايلتك. 

شنية خدمة FatouraNet؟

FatouraNet هي خدمة حطّها البريد التونسي على ذمّة حرفائه (مواطنين ومؤسسات) باش يسهّل عليهم عملية الإطلاع على محتوى الفواتير (هاتف، ماء، كهرباء، خدمات الأنترنات...) وخلاصها بشكل أسرع بواسطة الأنترانت كامل أيام الأسبوع و 24 ساعة/ 24 ساعة، وبسوم رمزي 500 مليم على كل فاتورة مدفوعة بالبطاقات الدفع الإلكترونية التونسية، و 2.5٪ لكل فاتورة من مبلغ الفواتير المدفوعة بواسطة بطاقات فيزا انترناشونال. كيما زادة تنجم تحتفظ بإثبات الدفع الخاص بك.

باش تنتفع بخدمة FatouraNet، لازم يكون عندك وسيلة من وسائل الدفع الإلكتروني المتوفرة بتونس، كيما بطاقة e-Dinar, e-DINAR UNIVERSEL, e-DINARPOST, e-DINAR SMART DINAR POST أو عن طريق الشيكات البريدية عبر شبكة الأنترنات و CCPNet . وإذا إنت خارج تونس، تنجم تستخدم بطاقتي VISA International و MasterCard .

Fatouranet : Aperçu des types de factures eau, électricité, Internet...

الخطوات إلّي يلزم نتبّعها باش نخلّص فاتوراتي:

-أوّل خطوة، يلزمك تدخل على موقع  FatouraNet عن طريق بوابة البريد التونسي www.poste.tn أو مباشرة على العنوان www.fatouranet.poste.tn

  • تختار نوع الفاتورة الـمرغوب خلاصها: ماء أو كهرباء أو هاتف.
  • تعمير البيانات المتعلقة بالفاتورة: رمـز المؤسسة، المبلغ بالمليمات، المرجع، المفتاح.
  • تعمير الـمعطـيات المتعلقة بـالعـنوان الإلـكتروني الخاص بك حــتى يــتم مــده إلــكـترونـيا بـوصـــل الــخــلاص وإبــــلاغ المؤسسة المصدرة للفاتورة بإنجاز هذه العملية.
  • خلاص الفاتورة بواسطة البطاقات الدفع الإلكتروني (المذكورة أعلاه) أو عبر الشيكات البريدية. 
Fatouranet Paiement de la facture d'électricité et de Gaz - steg


تحب تعرف كيفاش تسيّر أمورك الإدارية وتربح أكثر وقت باش تتطلّع على رصيدك في الحساب الجاري للبريد، تقوم بتحويلات مالية، تدفع شهرية الموظفين معاك في البروجي إلخ، تنجم تتطّلع على المقالة هذي وين نفسرّولك أكثر خدمة CCPnet.