هو نظام امتياز يخص الضرائب تعطيه الدولة التونسية للتوانسة العايشين في الخارج حسب شروط معينة، الدولة تعطيه بش المواطنين ينجمو يجيبو المتعلقات الشخصية متاعهم و كراهبهم بعد ما يقرّوا بش يرجعو نهائيّا لبلادهم.

حسب النظام الّي تختارو ( الاعفاء الكلّي ولاّ الجزئي من الضرائب المستحقة)، موش لازم عليك تخلّص الضرائب و مستحقّات الديوانة كي تجيب كرهبتك و متعلقاتك الشخصية في إطار رجوعك النهائي لبلادك. رد بالك!! ال FCR ما عندك فيها الحق كان مرّة في حياتك!

لازمك تحترم بدقة ال 4 شروط التالية : . الجنسية التونسية . لازمك تكون عمرك على الأقل 18 سنة وقتلّي تقدم المطلب . عمرك ما تمتعت قبل بال FCR . عدّيت أقل من 120 يوم في تونس في العامين لخرانين ( هذا بش تجيب كرهبة) ولاّ 120 يوم في العام لخراني ( بش تنجم تجيب متعلقاتك الشخصية)

لا… بش تتمتع بهل امتياز الضريبي، يكون مسموحلك بش تجيب فقط : . كراهب سياحية . كميونة توزن أقل من 3.5 طن .موطور الكل عمرهم أقل من 5 سنين وقت تاريخ دخولهم لتونس ( احتسابا من اول تاريخ بداو يدورو فيه، التاريخ المحطوط على شهادة التسجيل)

مسموح انك تجيب الحاجات الشخصية ( اثاث، حوايج…) قيمتهم ما تفوتش 30000دت. يتم اقصاء اي حاجة عندها طبيعة تجارية او رقم تجاري( متعلقات تجهيز، مواد بناء، بيبان…) مثال : كان تجيب 50 صبّاط جديد ، الديوانة تنجم تحسبها نشاط تجاري و تفرض عليك انك تخلص مستحقات الديوانة

بش تجيب كرهبة خاصة، عندك الاختيار ما بين : اعفاء كلّي ( يقولولو RS ) : ما تخلص حتى ضريبة ديوانية ( كان تكاليف الطابع) اما ما تنجمش تبيع كرهبتك. كان مولى الكرهبة و شريكه و بالتصريح : والديك و أولادك ينجمو يسوقو الكرهبة الّي جبتها.

35%: كراهب سياحية (بنزين ) السيلاندر متاعهم ما يفوتوش 2000 cm3 40% :كراهب ( ديزل و بنزين ) تفوت 2000 cm3 25% : الكراهب ذات طراز تجاري و الموطورات

إي … من 2016، الشريك ( مرتك ولاّ راجلك) ينجم يتمتع بعربة ثانية حسب نظام ال FCR على شرط الشريك يحترم كل شروط لقبول متع ال FCR

لازمك تحط دوسي كامل في الشباك الوحيد للديوانة في تونس ولاّ في مكتب التواصل بين المناطق. الوثائق اللاّزمة (توريد الأثاث والأمتعة) . نسخة من بطاقة التعريف متاعك و نسخة من بطاقة تعريف شريكك. . مضمون ولادة متاعك . نسخة مجواز السفر متاعك و نسخة من جواز سفر شريكك ( 32 صفحة) . ورقة التنقلات الحدودية( تنجم تاخذها مالقنصلية ولاّ مكتب التونسيين في الخارج في وزارة الداخلية في تونس) . ليستا دقيقة فيها المتعلقات الشخصية متاعك حسب ورقة تعطيهالك الديوانة التونسية . تصريح في الديوانة و مطلب امتياز ضريبي ( الاوراق تطلبهم من عند الديوانة التونسية) الوثائق اللازمة ( بش تجيب كرهبة) . نسخة من بطاقة التعريف متاعك و نسخة من بطاقة تعريف شريكك. . مضمون ولادة متاعك . نسخة مجواز السفر متاعك( 32 صفحة) . ورقة التنقلات الحدودية( تنجم تاخذها مالقنصلية ولاّ مكتب التونسيين في الخارج في وزارة الداخلية في تونس) . شهادة التسجيل متع الكرهبة ( البطاقة الرمادية في فرنسا) . فاتورة الشراء بالنسبة للعربات الّي ما عندكش 6 اشهر ملّي شريتهم. . شهادة تحديد العربة تاخذها من عند وكالة النقل البري في تونس يقولولو ( service des Mines) ( Annexe 5) . رخصة جولان تعطيهالك الديوانة التونسية وقتلّي تدخل العربة لتونس. . تصريح في الديوانة و مطلب امتياز ضريبي ( الاوراق تطلبهم من عند الديوانة التونسية)

خارج الصيف، لازمك تحسب ما بين2 و 5 ايام لاجراء العملية كاملة حتى تاخذ البطاقة الرمادية. في الصيف، مع نظام الحصة الواحدة و كثرة الناس، العملية تنجم تاخذ حتى 8 ايام.